السلام عليكم ورحمة الله وبركاته


هذي ااحدى قصائد اخوي الشاعر فايز الزقروطي واتمنــى تحووووووز على رضاكم




خفايا المشاعر







كتبت الشعر لجل اشرح همـــومٍ ساكنه بقصـــاي




كتبته لجـــل ابيــن به شعـــور بـداخل أعمــاقــي




تجــرعت الصــبر عــلقم تخــاويـنا أنــا وبكـــاي




تهــــاوت فــرحة سنيني وكــل الكـون بي ضاقي




تعبت اصبر علي همي عجزت انطر مصيرٍ جـاي




ومــاضي كـل مــالاح بسمـاي يـموت خـفــــاقـي




اداري واكـتــم أحـــزاني واقـــول الله يــادنيـــاي




وانــا ادري دنيتي غبــرا تحطم ثـورة أشواقــــي




عــلامك يازمن غـابر وليـه تـزيـد فـــي بلـــواي




جروح النــاس تكفيني وخناجرهم هــي البــاقي




خناجرهم.. خناجر (هم) تقطع مهجتي وحشـأي




افارقهم .. افـــارق (هم) منو الخسران بفــراقي ؟




ابـد مـاجـيتـهـم عـايــل ولا طـــالب ولا شـكـاي




وجــزاني بالغــدر خـلٍ طعـن بالـكــذب ميثــاقي




جــرح قلبي ودمــرني تــركني عــايش بمنفـاي




ضحك فرحة على جروحــي وآلامــي وإمــلاقي




هقيتـه واقـف بصفي ولا ادري بالـهوي هقـواي




وش اللــي صار بالدنيا مــدام اخـــوي خنـــاقي




تعبت اصبر عجزت اشرح هموم ساكنه بقصاي




مدام النـاس ما همــه وش اللي دمـــر أعمـاقي