صلاح الشمري=
ياسلامي سلام بكل ديره سبوره=يحجز المشتبه وايقص يد الحرامي
الطوالي مسجّل بالمواقف حضوره=مارخى محزمه وقت اكتراب الحزامي
ميزر الطواله(ذيب سلمى)=
مرحبا والفلك دوار.. والارض كوره=والسـيـوف بيدينا اللي تقص العظامي
الطوالي مواقيفه معاك مخبوره=مير لاينفتح باب العتب والملامي
صلاح الشمري=
البقا مير نفسك وش بلاه امحشوره=جيت بسيوفك اللي دون حدّه حسامي
ما جحدنا ولا تجحد صحيبك ودوره=امش حسب السلوم ولا تعدا النظامي
ميزر الطواله=
انت شاعر وانا ما ودي اجرح شعوره=قلبــك معلقن باهل اليمن وانت شامي
بعد مادار فيك الوقت عشرين دوره=وش بقي معـكَ؟ من خمسه وعشرين عامي
صلاح الشمري=
راعي السور لو يبقى ياميزر بسوره=كان ماهو بصاير من كبار الاسامي
كل عامن ثنعشر يالطوالي شهوره=باقي الطيب معنا ياعزيز المقامي
ميزر الطواله=
يابيض الوجه من قصر يحس بقصوره=مير خلك من اللي راح واسمع كلامي
ودي اقرب من البستان واقطف زهوره=وكان صارت قضيه ..خلك انت المحامي
صلاح الشمري=
طلعة الضلع ماتشبه سهله وحدوره=مير من جوف قلبك هات حمض العلامي
ماش احد داخل البستان.. والبدر نوره=دونه الغيم زوّد في عتام الظلامي
ميزر الطواله=
يظهر الرجل ميقافه..وللدم فوره=مير هذا زمان مطيرين الحمامي
البلد هو علامه ليه طارت طيوره=لو تسلم ما تلقا اللي يرد السلامي
صلاح الشمري=
البروده ترى ماهي سوات الحروره=كل شجره معشّش به حمام السلامي
كل رجّال ياميزر بيرضي غروره=مايقاد الجمل لاصار مابه خطامي
ميزر الطواله=
بارد الدم والاحساس تنحاس اموره=لاكشفوه الخوال ولا اكشفوه العمامي
ابعد عن الجمل واحذر يدفك بزوره=يمكن ان دفــك تروَح ضلوعك عدامي
صلاح الشمري=
بارد الدم رجله بالدروب امعثوره=لو يعرف الحلال ولو يعرف الحرامي
ليت يسلم صحيبي في جمله وجزوره=قبل يصبح على عيش النشاما يدامي
ميزر الطواله=
استر العلم يارجال لو ستر عوره=والهدف طاح لكن!! طاح من كف رامي
صاحبك حاسب حسابه ويمشي بشوره=يعشق النصر بالميقاف مهو انهزامي