ما كنت اصدق اقدر في يوم انساك= لين الليالي عاونتني ونسيتك
ولا كنت احسب اني ابى اعوف طرياك= لين الليالي مكنتني وجفيتك
اول اتوق لشوف زولك ولقياك= واليوم انا اللي صد لمن لقيتك
واول عجزت اعيش من دون لاماك= واليوم عفت امر قدام بيتك
غشيتني واخفيت عني نواياك = وانا الذي بدموع عيني بكيتك
ما كنت اظن اني من اكبر ضحاياك= الين شفتك تجحد اللي عطيتك
علم يجيك وياصلك ويتعداك= وليتك تعرف العلم لا جاك ليتك
ماهو انا اللي تخدعه ضحكة شفاك = وتفداه لا شفته بحيك وميتك
هذاك قبل اعرفك واعرف خفاياك = ايامها من ماي عيني سقيتك
واليوم لا ادمحلك ولا اغفر خطاياك = واكبر دليل اني جفيت ونسيتك

مـا كنـت اظـن انـي مـن اكبـر ضحـايـاك
الـــيـــن شــفــتــك تــجــحـــد الـــلــــي عـطــيــتــك

صح لسانك واحساسك ياشاعرناا
وابدعت فيما كتبت لله درك

عبدالكريم المنيعي }ْ~

صح لسانك آخوي

وتسلم ع هالقصيده الجميله

تحياتي لك