يالله يالمعبود رب البرايا=اللي بأمرك نبتدي لا ابتدينا
جارت علي ظروف حال وعنايا=وناديت يارحمن يوم ارتجينا
من دون راسي طالبٍ للعطايا=عشرين مليون لحياتي بغينا
وضاقت ولا عندي عزوم وقرايا=ماغير وجهك يا إلهي قرينا
ومن بعدها لدّيت صوب الهقايا=وناديت بأعلى الصوت يامحسنينا
محمد المظهور ينخى الطنايا=وينخى هل المدات يالمسلمينا
شمر حزام الضيق يوم السوايا=فكاكة النشبات يوم ابتلينا
وعيال وايل لا اعتزيت بندايا=وكل الظفير بضيقتي لابغينا
وعتيبه الهيلا وحرب برجايا=وانخى الهواجر والدواسر تعينا
وقحطان وسبيع وسهول الندايا=ومطير والعجمان يوم احتمينا
تكفون ياربعٍ تجي في منايا=تكفون فكّو عوقنا وافتدينا
تكفون ثم تكفون مابه بقايا=الوقت يمشي والمنيّه علينا
وجهتها وأقول هاتوا دوايا=ماعادلي لحظات فيها تبينا
وختامها يارب كل البرايا=بإسمك رجيت بدمعتي والأنينا
انك تفك بنشبتي ياعزايا=وترحم وتلطف دامنا ماقوينا
الموت حق وطالبك في رجايا=تفكني واعيش باقي سنينا