قصيده للشاعر لافي ذباح الشمري ,,,

أدري انك طيـب الجديـن ونعـم الحمولـه
أنت أهلك اللي وطوا متن السماء جود وبساله
إن بغا عمك بغـا خالـك صناديـد فحولـه
بس أبي حضرة جنابك هو ستر عمه وخالـه
لاتقول افعل واخلـي عدلـي واحـد يقولـه
والله اني لانحنـي لـك لا ولافيهـا جمالـه
مير ياذرب اليمين مهايطـك ماهـو بطولـه
البطولـه لاشربـت الطيـب لاحـد الثمالـه
البطوله لاحفظت الوجه عـن شيـن يطولـه
البطوله لاأنتخى عانيـك ثـم ريحـت بالـه
أما أنا خلن بعلمك الحكي عرضـه وطولـه
والله اني من رجال الصيت ورجـال الشكالـه
الرجال اللي عنـو ثـم عودوباللـي عنولـه
مالحقهم راعـي الطـولات ياكـود بخيالـه
شمري والشمـري مايلحقـه حكـي تقولـه
لعنبوك الشمري لأغلاك عـدك مـن عيالـه
والله فلاينوطي دربك وهـو ينشـاف زولـه
وأن كرهك الشمري والله ماهي لك سهالـه
لو يميل الوقت وتميـل المراجـل والرجولـه
والله ان الشمـري مامـال منـه الا عقالـه


الشاعر لافي ذباح الشمري

*&*&*&*&*&*&*&*&*&*&*

حي فال القصيدة يومها جتنـي خجولـه
تستحي لاقصرت جعـل القوافـي حلالـه
وصلوها يـم لافـي ريثـه ولاعجولـه
من ذعاذيع الجنوب الين ماتنطح شمالـه
كل رجل فيه حقه وانت نعم اللـي تقولـه
وشاقني كل المقال وجيت في نفسي مقاله
المدايح للطنايا ترتقـي المجـد وتنولـه
والقبايل طيبه والشمـري طيبـه لحالـه
طفلهم يشرب مراجلهم على سن الطفوله
نظرته حيه بها ينبيك عن طيب السلالـه
عايشين العز نبض وساكنين المجد دوله
تهدي الشمس لخواطرهم مقابيس العداله
ناطحين الضد ضد وعزتي للـي نووالـه
وحاشمين الجار دوم ولاتحروا وش خماله
حالمين كثر ماللحلم من جولـه وجولـه
وكافخين مثل طيـر كفـخ للـي دعالـه
شمري لاعزه الله عز كل النـاس حولـه
ماجحده الا الهبيل اللي ظلم حظه هبالـه
لو يشح الجود في نجد وتلقاهـا ملولـه
والله ان الجود هو للشمري عمه وخالـه


الشاعرة ابعاد التركي ترد على لافي الشمري



منقول

أختكم الصغيره الهنــوف