البـارحـة مـــر بـالــي كـــم طـرقـيـه=منـهـم مـصـدر ومـنـهـم كـــم وراده
تفرقـوا مـن خيـالـي وأخـلـوا النـيـه=وأخـتـارو الـصـد والعـربـان مـــداده
ما فيهـم اللـي وقـف وانمـدت أيديـه=وما منهم اللي يرد الصوت لأسيـاده
النـاس بالنـاس يالأصـحـاب معنـيـه=والطيب مـا ينحسـب لمكبـر وسـاده
كم واحـدٍ راح عمـره مـا لحـق غيـه=راحـت لياليـه مـا جابـت لـه أمـراده
الــوقــت دوار والـدنـيــا مـضـاويــه=أغنـم زمانـك قبـل لا يقبـس أزنــاده
الحـر يشـفـق عـلـى عـالـي مراقـيـه=والنـاس يـا صاحبـي بالحيـل نـقـاده
ســلام لـلــي يـســر الـبــال طـاريــه=ياوارثٍ طيب أبـوه وسطـوة أجـداده
يا صاحـب الخلـق مأمـوره ومنهيـه=بأمـر الكريـم العزيـز منجـي عـبـاده
نــارِ تلـضـى بـجـوفـي قـــل والـيــه=بيـن المعالـيـق نــار الـجـود وقــاده
لو مالرخاء فطـرت صـدورٍ شماليـه=كان أحتفل بالصدور الضيق بأعياده
ولو أن الأرزاق تأتي لك على النيـه=محـدٍ تكـبـد مــن الأتـعـاب وجـهـاده
يـا بعـض الأحـلام لا تبقيـن ورديــه=تـغـيّــر الــوقــت والأيــــام جــــلاده
والنـاس كـلـن بـجـوده دون عانـيـه=وعمـر البنـادم مـحـدد قـبـل مـيـلاده
مجموعـة أحــلام وأحـلامـه خيالـيـه=يبنيله أمجاد ولاطّول مـع أمجـاده
هـــذي حــيــاة الأوادم دوم مـقـفـيـه=طلابـهـا دوم واقـــف لـــه بمـعـيـاده
وهالحيـن لـو مـر بالـي كـم طرقـيـه=تـركــت كـــلٍ بـمـصـداره ومــيــراده

المشاركة الأصلية كتبت بواسطة شمري الجهراء صح لسآنك أخوي نهيـر .. و تسلم يمينـك على هالأبيآت .. لا هنت يا الغالي

المشاركة الأصلية كتبت بواسطة مهدي متعب الدالي الطيـب*مـا*ينحـسـب*لمكـبـر*وســاده انا اشهد الله عليك يا نهيّر عيني عليك بارده ولـو*أن*الأرزاق*تأتـي*لـك*علـى*النيـه مـحـدٍ*تكـبـد*مــن*الأتـعــاب*وجـهــاده تعجز كلماتي عن وصف ابداعك بتسلسل وتدرج الفكره... ما اقوول الا لله دررك يا استاذ نهيّر

المشاركة الأصلية كتبت بواسطة همس المشآعر الـــــــوقـــــــت دوار والـــــدنـــــيـــــا مـــــضـــــاويـــــه أغــنـــم زمــانـــك قــبـــل لا يـقــبــس أزنـــــاده صح لسانك وعلا شانك قصيده رائعه بـ معنى الكلمه لا جف لك حبر بإذن الله دُمت ودام عذب بوحك المميز

المشاركة الأصلية كتبت بواسطة وديع الركايب صح السانك يانهير شاعر جزل ومميز تقيب اعجابي بما تكتب