العـذر يـادرب الــرداء للمواجيب=شبيـــت نـارٍ مؤقــده فــي حشايه
ابطيت من جفن السهر للمراقيب=وازريت توصلني خطوط النهايه
اكبر مصيبه خدعـة الذيـب للذيب=جرحٍ يزول وجرح يصبح حكايه
الكيد واحساس العتب والمطاليب=واقوال بعض الساذجه والوشايه
اللــي مهمتهم لشــذب العراقيب=يبطون عـن شذبي بسـر وخفايه
وليا وصلت من الوزاء شقة الجيب=احتاج وقفه واستعيد صدقايه
اصحابي اللـي بالرخـاء كـلٍ يجيب=بشوف ويش فعولهم في وزايه
ان عودو للطيب مـن واقـع الطيب=والا انــا مالـي عليهـم ولآيه
الناس تجمعهم علاقــه وأقاريب=ومناظر الاشخاص ماهي كفايه
الفرق بالمنطق وحسن الأساليب=والموقف اللي يستحق الدعايه
لو ان هاليومين عفسة اصاحيب=ماعاد نفرق طيبهم والردايه
الذيب ياهل الطيب مايقبل العيب=والذيب يرمز له بحكم الدهايه
الرب واحد والبشر به شواذيب=وماكـل خطلـه تستثيـر قبلايه
وقفه على وضح النقاء مابها ريب=لاصار لك في وقفة الطيب غايه
ولامن وصلت من الوزاء شقة الجيب=احتاج وقفه واستعيد صدقايه
والعذر يادرب الخطاء للمواجيب=ابقيت نارك موقده في حشايه

المشاركة الأصلية كتبت بواسطة سمح المحيا وليا وصلت من الوزاء شقة الجيـب احتـاج وقفـه واستعيـد صدقايـه اصحابي اللي بالرخاء كـلٍ يجيـب بشوف ويش فعولهـم فـي وزايـه ان عودو للطيب من واقـع الطيـب والا انـا مالـي عليـهـم ولآيــه صح صح صح لسانك مليوووووووون اخوي نهير لا تحرمنا جديدك

المشاركة الأصلية كتبت بواسطة فايز الشلال المتألق نهير اتمنى ان لاتكون هذه المشاركة هي مشاركة اولى وعابره فمن يكتب بكل هذا الجمال يسعدنا جدا ان نصغي لكل حرف منه تقبل مروري وتقديري لشخصك الكريم