احيان اقول الفرْح ماله طاري=واحيان اقول ان الفرح بوجودك
واحيان اقول اني بحبك ساري=ومرّه اهيم ببعدنا وجحودك
منتا بفاهم..؟ استمع لاسراري=لا ماعشقتك ..مستحي من جودك
الحب للي بالقطاعه ضاري=اللي سبب في فلّتك لقيودك
لالا فديتك منت عني داري=حبيتني ..لا ماعرفت حدودك
اطلبْك سامح واقتنع باعذاري= الحب واحد.. قلّله مجهوودك
لا تقْترب والجرح شوفه عاري=لا يلتهب ياصاحبي من عودك
فارقتها والدمع شفته جاري=ناظرتها ثم قلت حظ خدودك
اقفيت عنها ثم دعيت الباري=يالله تعتق عينها من دودك