ايه انا بين الحداثه شاعرك يالقلطه = قلطيني بين هدبك قلطتن مشروطه
شاعرك غاوي وانتي بالحسن مختلطه = بين ملح/ وبين /زين /وفتنتك مخلوطه
قال غلطه قلت يازينك وزين الغلطه = ابحري بي في محيطك مثل ابن بطوطه
شاعرك اول مواطن مايحب السلطه = فوضوي/وله دوي/ وهزي يافطفوطه
ياعلاج الضغط /مدري ياعلاج الجلطه = ليتها فيك اتداوى عالمن مجلوطه
شوفي شلون العذارى بيسرك منبلطه = في بلاط الايسكريم بنكهه الشمحوطه
كاسيه بعيون منهي عاريه منملطه = وعاريه بعيون منهي بالبدو مقروطه
اشهد انك من سماء الحسن جيتي صلطه = يوم كومات الصبغ بوجيههن محطوطه
والعروس اللي دعتك لحفلها في ورطه = طنشوها في حظورك دقوا الزغروطه
نفسها يانفسها وده تجيب الشرطه = بس خافت يمنحونك الجمال ونوطه
من يلوم الايسكريم ومن يلوم الطرطه = يوم ساحن بالبلاط بنكهه الشمحوطه

المشاركة الأصلية كتبت بواسطة نـقـاء الـورد صح لسانك وعلا قدرك وشانك جزله من جزل لاهنت ابن عمــي

المشاركة الأصلية كتبت بواسطة شمري الجهراء صح لسآنك يا السلماني .. و مُـبدع يآ بعدي على هالأبيآت .. قوآك الله

المشاركة الأصلية كتبت بواسطة همس المشآعر اشهد انك من سماء الحسن جيتي صلطه يــوم كـومـات الصـبـغ بوجيهـهـن محطـوطـه قمه على قمه صح لسااانك يا مبدع زامل{..معنى الإبداع والتميز..لله درك تواجدك بـ حد ذاته مديح لـ شخصك أَشكر جميل ما سكبه خاطرك وأَشكر عذب تواجدك لـ سمو روحك التقدير والإِحترام دُمت بـ خير يا مبدع

المشاركة الأصلية كتبت بواسطة تجيبك الايام الله يا زامل الله .. كثير فيك الابداع وربك .. صح لسانك يالامير ..