صـــــــــلاح الـــشـــمـــري

سـلام الله سـلامٍ ماتبـع غيمـه بـلا بــرّاق
غيوم الصيف ما صـدّق بهـا وان لاح بارقهـا
يابو ثامر من المعنا تفضّـل واقتطـف مـا لاق
اباجمّعـلـك الاخـبـار وانـتـه لا تفـرّقـهـا

مـــحـــمـــود الــجــذيــلـــي

هلا يامرحبـا ترحيبتـن تبـدي مـن الاعمـاق
اقولـه والعلـوم الطيـبـه دايــم تسابقـهـا
صلاح الشمري شاعـر ولاكـن جـاه لاق ولاق
يبـا السنـه ولاكـن ماقـدر قلـبـه يطبقـهـا

صـــــــــلاح الـــشـــمـــري

يدوم الك البقـا يلـي تحـاول ترضـي الاذواق
علومـك طيّبـه للنـاس فـي جهـدك موثقهـا
صلاح الشمري مسلـم وسنـي للعـدل سبّـاق
خيـول الشعـر دايـم مـن مرابطهـا يطلقهـا

مـــحـــمـــود الــجــذيــلـــي

مادام انك مشكك شـد حيلـك ونقـض الميثـاق
شـوارب مـن يجيـب الثرثـره ودك تحلقـهـا

بعدها مايمـر المفتـري فـي عرضـت الحـلاق
وذا مـر العـرب ثـارت علـى وجـه بنادقهـا

صـــــــــلاح الـــشـــمـــري

انا ماشك واهل الشـك معدومـه مـن الاخـلاق
رجـال الثرثـره مـن دقنهـا نبغـى نعلقـهـا
علي روس العرب نجم وقمر من تحت سبع اطباق
عيال ابليس ترقـى والولـي بالشهـب يحرقهـا

مـــحـــمـــود الــجــذيــلـــي

انا مدري من الجيب الخطـا ولا مـن السـواق
يقول ان الظروف اللي بوسـط الجيـب شققهـا

ونـا ويـاك جينـا مالقينـا فالمـكـان اوراق
يجـوز ان الـوراق الباقيـه هــذا ملزقـهـا

صـــــــــلاح الـــشـــمـــري

عليه الحمـل كايـد والحمـل زايـد ولا ينطـاق
وخطـر ان التوايـر حملـه الـزايـد يفتّقـهـا
انا اضنه طبخها وارتشف ماها بعـد مـا فـاق
وجيه الناس بعـض احيـان تبديلـك حقايقهـا

مـــحـــمـــود الــجــذيــلـــي

علامـك ياصـلاح الشمـري ماترحـم العشـاق
ترى هاذا علومه مـن قديـم الوقـت عاشقهـا

كثيـر مـن الاوادم لـو بدينـه قـطـع الارزاق
ولاكـن الله اللـي خالـق العـالـم ورازقـهـا

صـــــــــلاح الـــشـــمـــري

ترى ما غربل العشاق واعياها سـوى الاشـواق
شغفها يظهـر اسـرار المحبـه مـن خنادقهـا
نواصينـا بيـد الله ولا نرجـي سـوى الـرزّاق
وشمـر باقيـه فـي مغـرب الدنيـا ومشرقهـا

مـــحـــمـــود الــجــذيــلـــي

يبي يزعل يبي يرضـاء قليـل المعرفـه طقـاق
انـا مالـي ومـال اللـي طموحـه مايحققهـا

انا مانـي بجاهـل والتجمـع مـن وراه افـراق
عسـى ناسـن تجيـد المعرفـه ربـي يوفقهـا

صـــــــــلاح الـــشـــمـــري

ترى ام جنيب يامحمود غيـر الصـل والمـزراق
لكـن الـداب مـن جملـة مناطقهـا ينطّقـهـا
تبين الناس بالميقـاف لامـن نشفـة الاريـاق
فعول الناس بين النـاس تكفـي عـن بطايقهـا

مـــحـــمـــود الــجــذيــلـــي

صحيح ان العراقي منتهي مير العـراق اعـراق
ولا يمكـن بضاعـة هافـي الذمـه نسوقـهـا
هلا ياصحبنا يالـي تحسبـون الحصـا سمـاق
تبـي تاتـي عليكـم مزنتـن والـرب سايقهـا

صـــــــــلاح الـــشـــمـــري

تعشينـا وخـل اللـي ورانـا يغسـل الاطبـاق
اهـل بغـداد برقبـة العجـم راحـت علايقهـا
من السمّاق بعض الناس قامت تعمـل التريـاق
وبعض النـاس مـا يبحـث خفـاه الا تتريقهـا