كن الحجاج الموج والرمش مجداف = ومدامعك طوفان - عينك سفينه
والنظره اللي مالقت منك الانصاف = ردت وفي طياتها الف طينه
كنه تقول من القهر والتحساف = هاذي ضريبه زرعة الياسمينه
اثر الغياب عن الوطن سبب ارجاف = لين استثار الشك عقل الرزينه
تبعثري ماعاد باقي للحلاف = نذرن يكفر عن خطى والدينه
والثوره اللي داخلي تسخر القاف = تشكلت باربع حروفن حزينه
(خ ل ا ص) ماباقي معي فوق الاكتاف = الا الجروح الغايره والغبينه
وماعاد باقي للوفا برض الاشراف = غير اني احرق بالضلوع المدينه
نواف يامشكاي لاقلت نواف = ضف الشناط ودربنا خابرينه
تنعاف يامشكاي لاقلت تنعاف = بالك تذكرني السفر بالسفينه

المشاركة الأصلية كتبت بواسطة فواز العـذم صح لسانك اخوي زامل من الابيات الرائعه التي قرائتها هي هذه الابيات لاتحرمنا جديدك

المشاركة الأصلية كتبت بواسطة باسم الزقروطي زامل صح الله لسانك ع الابيات الرائعه ولاهنت

المشاركة الأصلية كتبت بواسطة همس المشآعر يا هلا وغلا بـ من طوّل الغيبه وياطيب الغنايم بـ جميل حرفك صح الله لسانك ولا جف لك حِبر بإذن الله لله درك أخوي زامل شهادتنا فيك مجروحه لا حرمنا الله هـ الحضور الراقي دُمت بـ خير وسعآدهـ من الرحمن