بسم ربعي كلهم..شيخ وجماعه=قمت واصلي على راع الشفاعه
شاعر وبالموجبه من دون ربعي=اكمل الماجوب..وحفظ الوداعه
وبالمواقيف اصدق الشَعار..شاعر=كلمته..تعكس شعوره وانطباعه
ولجل أجمّل شيخٍ لحفله دعاني=جيت..ومن الشعر جبت اغلا بضاعه
بجتماع الطيبين..ببيت طيب=من يلوم الشعر لارفرف شراعه
مرحبا باللي يشرفنا حضوره=عد براقٍ سرا يوضي شعاعه
وعد ما هبت(صبا) نجد العذيه=وعد..من وسط الحرم صلوا جماعه
بالامير (احمد) ..ومن جاء مع سموه=ياهلابه..وابرك الساعات ساعه
ساعةٍ فيها حضر عند(الطواله)=منزله بقلوبنا..والقاع قاعه
الامير اخو الملك..وابن المؤسس=من بنى المجد وتعلا بارتفاعه
وحّد الأمه..وزال الظلم كله=وأصبحت بأمن ورخا..عقب المجاعه
ياعساها جنة الفردوس داره=واشهد ان السبع عقب له اسباعه
والبلد في عهد (ابو متعب) تباها=تنعم بعصر التطّور والصناعه
ومعه(ابو خالد)عسى الصحه لباسه=فوق ثوب العافيه..ثوب المناعه
الكرم في(حاتم الطائي)بوقته=مير في هالوقت..قلته عن قناعه
(حاتمي) هالوقت(سلطان ابو خالد)=الكرم فعله..لاوالله من طباعه
جعل ما نفقد هذيك الابتسامه=أنزرع بقلوبنا حبه..زراعه
والله يعز الوطن..ويعز شعبه=والملك..وشعارنا سمعٍ وطاعه
وانت يا نايب وزير الداخليه=عادتك تاقف مواقيف الشجاعه
اخو نايف..محزمه عند الشدايد=سيفه..وكفه..وساعده..وذراعه
التواضع منهجك..والطيب ساسك=والعفو مبداك..رغم الاستطاعه
ورغم ما تحويه من حلم وتسامح=فيك ..ساعات الغضب حزم وبتاعه
ومن نوى يعبث بامان الدار خاسر=بالخساره بشّروه..وفي ضياعه
كلنا دون الوطن في كل حاله=نردع الارهاب..واصحاب اللكاعه
جنّب (ابو متعب) ليا ميَل عقاله= الوطن ..حنا هجومه مع دفاعه
كل (حوثي)علموه..وكل طامع=هذي أرض المملكه..ماهي اطماعه

صح لسانك وبيض الله وجهك
وما شاء الله عليك



وبالمواقيف اصدق الشَعار..شاعـر
كلمته..تعكس شعـوره وانطباعـه